(adsbygoogle = window.adsbygoogle || []).push({});
నేటి సత్యం పటాన్ చెరువు మార్చి 3
సరైన నోటీసు లేకుండా వాహనం విక్రయం? చోళమండలం కంపెనీపై సంచలన ఆరోపణలు!
ప్రముఖ ఫైనాన్స్ సంస్థ *చోళ మండలం ఇన్వెస్ట్మెంట్ కంపెనీ* పై తీవ్ర వివాదం నెలకొంది. వినియోగదారునికి సరైన ముందస్తు నోటీసులు ఇవ్వకుండా వాహనాన్ని స్వాధీనం చేసుకుని విక్రయించారని బాధితుడు సంచలన ఆరోపణలు చేశాడు.
ఏం జరిగింది?
వివరాల ప్రకారం, రుణ బకాయిల పేరుతో కంపెనీ ప్రతినిధులు కస్టమర్కు ఎటువంటి ప్రీ-సేల్ నోటీసు లేదా రికవరీ నోటీసు ఇవ్వకుండా వాహనాన్ని తీసుకెళ్లి విక్రయించినట్లు సమాచారం. ఇది నిబంధనలకు విరుద్ధమని నిపుణులు చెబుతున్నారు.
విక్రయం తర్వాత షాక్!
వాహనం అమ్మిన తర్వాత కూడా మిగిలిన బకాయి మొత్తం చెల్లించాలని లీగల్ నోటీసు పంపడం పెద్ద వివాదానికి దారి తీసింది. “బకాయిలు చెల్లిస్తే NOC ఇస్తాము” అని ముందుగా హామీ ఇచ్చిన కంపెనీ ప్రతినిధులు, తర్వాత లీగల్ నోటీసులు పంపడం వినియోగదారులను మోసం చేసినట్లుగా ఉందని బాధితుడు ఆరోపిస్తున్నాడు.
ప్రజల్లో ఆగ్రహం
ఈ ఘటనతో వినియోగదారులు తీవ్ర ఆందోళన వ్యక్తం చేస్తున్నారు. ఫైనాన్స్ కంపెనీలు నిబంధనలు పట్టించుకోకుండా ఇలాంటి చర్యలు తీసుకుంటే సాధారణ ప్రజలు తీవ్ర ఇబ్బందులు పడతారని అంటున్నారు.
*అధికారులకు డిమాండ్*
ఈ వ్యవహారంపై వెంటనే దర్యాప్తు జరిపి బాధితుడికి న్యాయం చేయాలని, అలాగే భవిష్యత్తులో ఇలాంటి ఘటనలు జరగకుండా కఠిన చర్యలు తీసుకోవాలని ప్రజలు రిజర్వు బ్యాంకు అఫ్ ఇండియా ను కోరుతున్నారు.
వినియోగదారుల హక్కులు ప్రమాదంలోనా?
ఫైనాన్స్ కంపెనీల దౌర్జన్యం పెరుగుతోందా?