నేటి సత్యం/ శేరిలింగంపల్లి /అక్టోబర్ 2
జాతిపిత మహాత్మా గాంధీ స్ఫూర్తితో మతోన్మాదానికి వ్యతిరేకంగా పోరాడుదాం
తీవ్రవాదం కన్నా ప్రమాదకరం మతోన్మాదం
జాతిపిత మహాత్మా గాంధీ 157వ జయంతి సందర్భంగా కొండాపూర్ లోని సి ఆర్ ఫౌండేషన్ లో ఆయన చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా సీపీఐ రాష్ట్ర సమితి సభ్యులు **టి. రామకృష్ణ** మాట్లాడుతూ, మహాత్మా గాంధీ అహింస, సత్యం, శాంతి, మతసామరస్యం వంటి గొప్ప విలువలతో దేశానికి స్వాతంత్ర్య పోరాటంలో మార్గదర్శకంగా నిలిచారని పేర్కొన్నారు.
*తీవ్రవాదం కన్నా మతోన్మాదం సమాజానికి మరింత ప్రమాదకరమని** ఆయన అన్నారు. మతం పేరుతో ప్రజల మధ్య విద్వేషాలను రెచ్చగొట్టడం, కులమతాల పేరుతో సమాజాన్ని విభజించడం దేశ ఐక్యతకు, లౌకిక ప్రజాస్వామ్యానికి గొడ్డలిపెట్టు వంటిదని విమర్శించారు. ప్రజల మధ్య మత సామరస్యాన్ని దెబ్బతీసే శక్తులకు వ్యతిరేకంగా ప్రతి ఒక్కరూ అప్రమత్తంగా ఉండాలని పిలుపునిచ్చారు.
మహాత్మా గాంధీ కలలుగన్న శాంతియుత, సమానత్వ భారతదేశ నిర్మాణానికి ప్రతి ఒక్కరూ కృషి చేయాలని, రాజ్యాంగం కల్పించిన లౌకిక విలువలను కాపాడుకోవాలని అన్నారు. గాంధీ ఆశయాలను ఆచరణలో పెడుతూ మతోన్మాదానికి, మత విద్వేషాలకు వ్యతిరేకంగా ప్రజలంతా ఐక్యంగా ఉద్యమించాలని పిలుపునిచ్చారు.
*గాంధీ స్ఫూర్తితో మతోన్మాదానికి వ్యతిరేకంగా పోరాడుదాం – లౌకిక భారతదేశాన్ని కాపాడుకుందాం** అని టి. రామకృష్ణ స్పష్టం చేశారు. ఈ కార్యక్రమంలో కె వెంకటస్వామి డిహెచ్ఎస్ రాష్ట్ర ఉపాధ్యక్షులు పాల్గొన్నారు