నేటి సత్యం

జీవన మార్గాన్ని చూపేదే బడి – 2006–2007 పూర్వ విద్యార్థుల అపూర్వ బహుమతులు

నేటి సత్యం. తెలకపల్లి. ఆగస్టు 15

తెల్కపల్లి మండల కేంద్రంలోని ఆలేరు గ్రామంలో 79వ స్వాతంత్ర్య దినోత్సవం సందర్భంగా, ఆలేరు జిల్లా పరిషత్ ఉన్నత పాఠశాలలో 2006–2007 విద్యాసంవత్సరంలో చదివిన పూర్వ విద్యార్థులు ఒక ప్రత్యేక కార్యక్రమాన్ని నిర్వహించారు.

“జీవితాన్ని తల్లిదండ్రులు ప్రసాదిస్తే, జీవన మార్గాన్ని భవిష్యత్తుతో కలిపేది పాఠశాల” అని వారు పేర్కొన్నారు. ఈ సందర్భంలో 2024–2025 విద్యాసంవత్సరంలో పదవ తరగతి ఉత్తీర్ణులైన విద్యార్థులకు ప్రథమ, ద్వితీయ బహుమతులను అందచేసి, ప్రోత్సహించి సత్కరించారు భవిష్యత్ లో కూడా అత్యధిక ప్రతిభ కనబరిచిన విద్యార్థిని విద్యార్థులకు కూడా ప్రోత్సహిస్తారని తెలిపారు ఈ అవకాశాన్ని విద్యార్థిని విద్యార్థులు సద్వినియోగం చేసుకోవాలని మనవి.ఈ విషయాన్ని ఉపాధ్యాయులు కూడా విద్యార్థిని విద్యార్థులకు వివరించి తెలియజేస్తారని ఆశిస్తున్నాము.

ప్రథమ బహుమతి: ₹2100

ద్వితీయ బహుమతి: ₹1100

ఈ బహుమతులను పూర్వ విద్యార్థులు పాఠశాల ప్రధానోపాధ్యాయుడు శ్రీ జి. నరహరి గారి చేతుల మీదుగా, పదవ తరగతి పాసైన విద్యార్థుల తల్లిదండ్రులకు అందజేశారు. 2006-2007 పూర్వ విద్యార్థుల బృందం